Aleixo

Antropónimo procedente do grego Aléxios ( ἀ λέξιος) ‘defensor, protector’. Popularizouse na Idade Media por mor do santo que levaba este nome. A festividade de santo Aleixo (ss IV-V) celebrábase, nun principio, o 17 de febreiro; sen embargo, a reforma litúrxica posterior ao concilio Vaticano II eliminouno do calendario litúrxico universal. Este nome presenta como variante Alexo e como hipocorístico Leixo. Na tradición oral recóllense cantigas como: “Estar coma san Aleixo baixo a esqueira, díselle a quen está engruñado nun sitio estreito”.