alpino -na

(< lat alpīnu ‘dosAlpes’)

adx
Relativo ou pertencente aos Alpes ou ás montañas elevadas.

Ex: Á hora de practicar deportes alpinos, prefiro o esquí.
Sinónimos: alpestre.
[ANTROP/FISIO]
1. adx
  Relativo ou pertencente ao grupo humano alpino ou aos individuos que a compoñen.
2. s m
  Individuo do grupo humano denominado alpino.
3. grupo humano alpino Grupo humano leucodermo, do subgrupo braquicéfalo, que se localiza en Europa Central e Francia. Segundo a sistemática racial de Heim (1972), baseada na pigmentación da pel, a estatura e o índice cefálico, a raza alpina ou cenevola, presenta unha pigmentación castaña, estatura media, forte braquicefalia e cabeza curvo-occipital en norma lateral, face de contorno redondeado, fronte vertical, arcadas supraorbitarias moderadamente desenvolvidas, nariz ancho e braquimorfia con membros relativamente curtos e robustos. Os lapóns aparecen como variante setentrional. Cómpre salientar, sen embargo, que esta clasificación non se sostén coa introdución de marcadores xenéticos.
adx [XEOG/BOT]
Relativo ou pertencente ao piso alpino.
s m pl [XEOL]
Conxuntos montañosos erguidos durante o ciclo oroxénico alpino.
[BÉL]
1. adx
  Dise do cazador a pé especialmente adestrado para o combate nas montañas.
2. tropas alpinas Conxunto de unidades de infantería e artillería, especializadas no combate nas montañas.
[XEOL]
ciclo alpino
[DEP]
club alpino
[XEOL]
estilo alpino
[XEOG/BOT]
piso alpino
[METEOR]
resplandor alpino

Palabras veciñas