ammocete

Larva dulciacuícola da lamprea, de aspecto similar ao anfioxo e cunha estrutura próxima ao arquetipo de vertebrado ancestral. Tras un período de 6 a 8 anos pode acadar un tamaño de ata 25 cm de longo antes de dirixirse ao mar. Aliméntase por filtración e vive nos fondos areosos dos ríos. En Galicia pódense atopar nos ríos Miño, Umia, Ulla, Tambre, Anllóns, Mandeo, Masma e Eo.