anhímido -da

Que pertence á familia dos anhímidos.

Ave da familia dos anhímidos.

Familia da orde dos anseriformes integrada por aves de aspecto bastante diferente dos anátidos, pero anatomicamente parecidas a elas, polo que se agrupan na mesma orde. Son aves robustas, de bico curto, coas patas fortes e as dedas anteriores unidas parcialmente por unha membrana rudimentaria. As ás están bastante desenvolvidas e cada unha ten dúas esporas na articulación do carpo, que lles serven de defensa. Son propias exclusivamente de América do Sur. Os representantes máis destacados son as do xénero Anhima e os chajás.