antimísil

Mísil ou sistema de armamento utilizado para interceptar os mísiles inimigos. Antes de 1970, tanto os EE UU como a URSS tiñan preparados mísiles antimísiles que, xeralmente mediante explosións nucleares, podían destruír mísiles inimigos na derradeira fase da súa traxectoria. Estes sistemas, chamados ABM (Anti-Ballistic-Missile), a pesar de non poder frear un ataque masivo, poden interceptar mísiles intercontinentais illados. Pouco despois desenvolveuse a intercepción de mísiles tácticos, especialmente os mísiles antinavíos.