antípoda

1. Curva que ten por podaria unha curva dada.

2. s m [XEOG]

   Persoa que ocupa na Terra un punto diametralmente oposto verbo doutra. OBS: Xeralmente utilízase en plural.

   Confrontacións: antecos.
3. 1. s m [XEOG]

      Cada un dos puntos da superficie terrestre situados nos extremos do mesmo diámetro do xeoide.

   2. s m pl

      Parte da Terra situada no outro extremo do mesmo diámetro.

      Ex: Nova Zelanda está situada nos antípodas de Galicia.

      Confrontacións: antecos.
4. s m

   Persoa ou cousa diametralmente contraria a outra, polo seu carácter, natureza, etc.

5. adx e s m [BOT]

   Dise de cada unha das tres células que, no saco embrionario das anxiospermas, están situadas no extremo oposto ao que ocupa a ovocélula.

6. antípoda óptico [QUÍM]

   Cada unha das parellas de esteroisómeros ópticos que fan xirar o plano da luz polarizada plana en direccións contrarias dun mesmo ángulo determinado. O dextroxiro faino xirar cara á dereita (+) e o levoxiro cara á esquerda (-).

Frases feitas

• Estar nos antípodas. Pensar ou actuar dun xeito totalmente oposto ao doutro. Ex: A posición do goberno está nos antípodas da oposición.