Artistiñas, Os

Nome empregado por Vicente Risco para referirse a un grupo de artistas vangardistas que agrupaba no Ourense dos anos sesenta a Xaime Quessada, Acisclo Manzano, Xosé Luís de Dios e, entre outros, a Virxilio. A partir das súas propostas, que tomaban do neofigurativismo europeo e dos artistas pop americanos, renovouse o panorama artístico galego; sen embargo, a diferenza das vangardas europeas, posuía un excesivo contido social e literario.