atlético -ca

Relativo ou pertencente ao atleta, aos seus exercicios ou deportes.

Dise do que ten unha complexión áxil, forte e xeralmente musculosa.

Biotipo, segundo a biotipoloxía de Ernest Kretschmer, dos individuos caracterizados polo forte desenvolvemento do esqueleto e da musculatura. Son de estatura media ou elevada, de costas amplas, cranio elevado, cara tirando a cadrada, mans grosas e pescozo longo e groso. A correspondencia cun tipo psicolóxico non é tan clara como os biotipos leptosomático e pícnico.

Persoa que participaba nas competicións ximnásticas de Grecia e Roma.