auxita

Silicato complexo de magnesio e calcio, de fórmula (Ca,Mg, Fe,Fe+3,Ti,Al)2(Si,Al)2O6, do grupo dos piroxenos. Cristaliza no sistema monoclínico. Os cristais son prismáticos, ou ben grans informes. É de cor negra, verdosa ou verde escura, segundo a cantidade de ferro que conteña; opaco ou ás veces translúcido. Ten dureza 5,5-6 e peso específico 3,23-3,52. Encóntrase como mineral esencial en moitas rochas ígneas, especialmente nas volcánicas básicas (diabasas e basaltos). OBS: A grafía x corresponde ao fonema /S/, que representa o son fricativo palatal xordo.