Barra, A

Frecha de area que pecha a ría de Ladrido, na desembocadura do río Baleo, en territorio do concello de Ortigueira. A barra esténdese no contacto entre as rías de Ladrido ao L e de Santa Marta de Ortigueira ao O, aínda que o seu desenvolvemento se produce na primeira. Na súa parte sudoccidental (cara ao interior da ría) desenvólvese unha formación de dunas que se interpón entre as praias de Cabalar e Ladrido e as marismas.