bexa

Relativo ou pertencente aos bexas ou á súa lingua.

Individuo do pobo bexa.

Pobo cuixítico constituído por diversas tribos nómades que habitan o territorio comprendido entre o Mar Vermello, o Nilo e Al-’Aṭbara. A principal actividade dos 300.000 individuos bexas é a gandería. Habitan en cabanas rectangulares e, malia que son de relixión musulmana, conservan restos dunha anterior organización matrilineal. Son tribos bexas os ababda, os bixaríns, os amarares, os hadandues, os halengues e os beniameres.

Lingua cuixítica que ten como nome indíxena to-bedawye.