biometría

Rama da Bioloxía que estudia os fenómenos cuantitativos nos seres vivos, empregando todo un conxunto de técnicas de medida e de métodos estatísticos e matemáticos para analizar os datos obtidos. Naceu a comezos do s XX como resultado da necesidade dun estudo cuantitativo da vida por causa da elevada variabilidade na maioría dos caracteres, o que os fai aparecer como variables aleatorias. O seu interese é fundamental practicamente en todas as disciplinas da Bioloxía.

Medida intrauterina do feto empregando técnicas ultrasónicas, co fin de determinar ou comprobar a idade e o crecemento, ou ben para axudar a diagnosticar malformacións conxénitas ou desproporcións fetopelvianas.

Medida das dimensións das distintas partes do ollo.