Bok, glóbulos de

Conxunto de nubes interestelares de gas e pó, de forma circular ou oval, e de diámetro angular aparente duns poucos segundos de arco, que destacan nun fondo luminoso de estrelas afastadas. Son condensacións de materia interestelar de elevada densidade. Observados no 1947 por Bart Jan Bok, semella que son estruturas que colapsan cara ao centro (colapso gravitacional).