Brie

País do N de Francia, situado na conca parisiense, que se estende entre os vales do Sena e do Marne e comprende aproximadamente a parte central do departamento do Seine-et-Marne (Île-de-France), a meridional da de Aisne (Picardía) e a occidental da do Marne (Champagne-Ardenne). A rexión é esencialmente agrícola. A gandería bovina é un recurso importante, sobre todo, no seu aproveitamento lácteo, ao servir de abastecemento para as pequenas industrias derivadas, como a industria leiteira ou a fabricación do queixo de Brie.