bucle

Espacio de seguridade que prende a fita cinematográfica no proxector ou na cámara, situado entre os rolos de alimentación empregado para que os ganchos non arrastren toda a película da bobina e provoquen rachadelas nas perforacións.

Fragmento de película enganchado polos extremos co fin de que pase ininterrompidamente diversas veces consecutivas á hora de sonorizar ou dobrar o filme.

Fragmento de banda sonora enganchado polos extremos; a súa audición pode acompañar, durante a montaxe, a visión na moviola dos fragmentos da película para marcar o ritmo que deben seguir as imaxes.

Secuencia de instrucións que pode executarse repetitivamente. En cada repetición, chamada ciclo, é habitual que certos datos resulten modificados.

Efecto que causa unha operación reiterada nun procesador, que impide o funcionamento normal porque non localiza o seu final.

Nun sistema automático, circuíto ou camiño polo que circula o sinal de entrada, a partir do comparador ata a saída e desde esta cara ao comparador. Isto presupón un camiño pechado para este sinal, é dicir, un sistema que funciona con retroacción; sen embargo, estes sistemas con retroacción poden tratarse como casos particulares. Fálase de bucle pechado (ou bucle de retroacción) ou de bucle aberto, segundo haxa ou non retroacción.

Conxunto de cables ou conexións que unen un teléfono coa central dunha compañía telefónica.

Fita magnética cos extremos unidos entre si, de xeito que constitúe unha fita sen fin.