Cadro, O

Boletín subtitulado “Voceiro das xuntas de veciños de Moaña” aparecido en setembro de 1974 e editado ata finais de 1976. Trátase dunha serie de pequenos cadernos monolingües en galego, nos que se dirixen críticas aos políticos, concretamente ao alcalde do concello de Moaña nos anos da transición democrática. Os seus artigos son variados e atenden a cuestións que preocupan aos habitantes da vila; entre eles, “Os parques infantiles”, “A traída de augas i as fontes”, “Cousas”, “As cooperativas”, “O valo do Axuntamento” e “Política colonial e política do pobo”.