Calisto

Ninfa de Arcadia, compañeira de Ártemis. Zeus namorouse dela pero como ela fuxía dos homes adoptou a figura de Ártemis para enganala e poder manter relacións. Cando Calisto quedou embarazada, Ártemis, baixo as influencias da celosa Hera, transformouna en osa e botouna fóra ao perder a virxindade. Finalmente, Zeus converteuna na constelación da Osa Maior. Segundo a lenda, da unión de ambos naceu Árcade.