Callendar, efecto

Aumento antrópico da temperatura do planeta ou, máis exactamente, variación dun microclima, especialmente dunha zona urbana ou industrial, causada polo incremento da cantidade de dióxido de carbono liberado á atmosfera, producido principalmente polos procesos industriais de combustión. O aumento de temperatura como consecuencia do incremento de CO2 da atmosfera explícase polo efecto invernadoiro. Recibe o nome de G. S. Callendar, fillo de H. L. Callendar, que avanzou esta idea en 1938.