campar

1. v i

   Destacar unha persoa ou cousa por posuír unha calidade na que avantaxa os demais.

   Ex: No faladoiro era sempre o que máis campaba polos seus dotes oratorios. O seu talento artístico campa sobre todo cando está bébedo.

   Sinónimos: sobresaír.
2. v i

   Sentar ben unha peza de roupa.

   Ex: Ese chapeu de listas que levas a xogo coas luvas cámpache moito.

   Confrontacións: acaer.
3. v i

   Mostrarse con orgullo unha persoa ao verse favorecida especialmente por levar posta unha prenda de vestir que lle queda ben.

   Ex: Malia non ser fermosa de seu, campa moi ben con calquera cousa que poña.

   Sinónimos: lucir, presumir.
4. v i

   Pór empeño unha persoa en acadar unha aparencia agradable, sobre todo no vestir.

   Ex: Sempre lle gustou campar e por iso gastaba moitos cartos en roupa.

Frases feitas

• Campar pola súa estrela. Ter fortuna.

• Campar polos seus respectos. Obrar con total independencia sen someterse a ningunha norma ou lei.