canónico -ca

(< lat canonĭcu‘regular, conforme ás regras’)

[RELIX]
1. adx
  Conforme ou relativo aos canons ou disposicións da Igrexa.
2. adx
  Acorde coas normas do dereito eclesiástico.
3. adx
  Relativo ou pertencente ao canon das Sagradas Escrituras.
4. dereito canónico
  dereito canónico.
adx
Que se axusta ás características dun canon ou dunha norma determinados.

Ex: A catedral é unha mostra canónica do románico francés.
[FÍS]
1. adx
  Aplícase a toda función ou ecuación que reúne as condicións de simplicidade formal, simetría e independencia respecto aos eixes de coordenadas escollidos.
2. ecuacións canónicas do movemento
  Ecuacións de Hamilton.
3. transformación canónica
  Transformación baixo a que as ecuacións do movemento conservan a súa forma canónica. As transformacións canónicas son de grande importancia en mecánica teórica, xa que permiten pasar das ecuacións de Hamilton ás de Hamilton-Jacobi.
adx [MAT]
Aplícase a toda construción matemática singular, no sentido de que é natural ou intrínseca.

Palabras veciñas