capear

1. v t

   Entreter a alguén con evasivas e enganos.

   Ex: Pregunteillo varias veces, pero capeou a resposta durante toda a tarde.

2. v t

   Superar con habilidade un compromiso, unha dificultade ou un traballo desagradable.

   Ex: Capeou ben os estragos da quebra da empresa.

3. v t

   Facerlle sinais a alguén desde lonxe coa intención de chamar a súa atención.

4. v t

   Lidar coa capa unha res na arte da tauromaquia.

   Ex: O toureiro capeou o touro como os grandes mestres.

5. v t [MAR]

   Estar ou aguantar á capa, mantendo a embarcación parada, aínda con vento, para conseguir unha maior seguridade do barco en situacións de temporal.

6. v

   Termo do barallete, xerga dos afiadores e paraugueiros, que corresponde ao significado ‘chamar a alguén’.

Frases feitas

• Capear (ben) o vento. Axustarse ás circunstancias.