Capsiense

Cultura prehistórica do norte de África que sucedeu ao Ateriense e se desenvolveu durante o Paleolítico superior e o Mesolítico. O xacemento característico é Rammadiya, onde se atoparon moreas de cinsa, instrumentos microlíticos de sílex e cunchas de caracol. En Kenya descubriuse unha industria lítica semellante que levou aos especialistas a definir alí unha variante rexional desa industria.