Carazo

Departamento de Nicaragua (1.050 km²; 149.407 h [estim 1995]). A súa capital é Jinotepe (23.538 h). Está atravesado pola cordilleira volcánica centroamericana. O litoral ocupa unha chaira que se inclina cara ao S e que se prolonga ata o istmo de Rivas. O territorio está regado polos ríos Masapa, Grande e Boquita. O departamento divídese en dúas zonas naturais: a costa, con clima cálido, e a zona alta do interior.