carniceiro -ra
(< carne)
-
adx e s
Aplícase ao animal que se alimenta de grandes presas.
Ex: O león é un animal carniceiro que se alimenta de cebras.
Sinónimos: carnazal. -
s
Persoa que corta e vende carne. Na Idade Media o gremio dos carniceiros foi un dos máis influentes nas grandes cidades, pero xeralmente estaban excluídos dos gobernos municipais. Eran monopolios que dispuñan de lugares de venda fixos e privilexiados e que conservaron a pesar dos ataques das autoridades locais.
Ex: Pedinlle un quilo de costeletas e dous chourizos ó carniceiro.
-
s
Persoa que mata reses.
-
s
Persoa que non ten piedade e goza matando ou facendo sufrir.
Ex: O personaxe principal da novela vaise transformando nun carniceiro.
Sinónimos: cruel. -
adx e s
Aplícase ao cirurxián ou outro médico que opera de forma descoidada.
Ex: Arrincoume a moa un auténtico carniceiro e estiven sangrando todo o día.