Carya

Xénero de árbores caducifolias da familia das xuglandáceas, de cortiza gris e lisa, follas imparipinnadas e flores masculinas en candeas e femininas terminais. O seu froito é lobulado, semellante a unha noz pero coa cuberta carnosa e gris que se abre en catro valvas. Orixinarias de América do Norte e México, destacan pola súa madeira. Os froitos dalgunhas especies son comestibles e proporcionan aceite.