censor -ra

Maxistrado romano elixido por parellas polos comicios centuriados para un período de cinco anos a partir do ano 209 a C. Encargábanse de realizar o censo ou rexistro dos cidadáns e dos seus bens. Gozou de grande influencia pola súa función de gardiáns dos costumes, o que supoñía na práctica a posibilidade de excluír do Senado os cidadáns segundo o seu comportamento moral. O cargo, establecido no 443 a C, creouse para separar os cónsules do mantemento do censo e exercérono só os patricios ata o 351 a C; posteriormente permitiuse a participación doutros grupos na actividade pública.

Persoa que ten por encargo velar pola conduta dos demais, a observación dos estatutos, etc, nunha comunidade, nunha sociedade ou similar.

Persoa que censura o contido dos medios escritos ou audiovisuais.

Persoa que xulga e critica os demais.

Persoa nomeada pola xunta xeral dunha sociedade anónima para someter ao seu criterio a aprobación da documentación e contabilidade presentada polos administradores da sociedade.

Profesional contable colexiado con funcións de auditoría e inspección de contas e balances e doutros documentos contables.