ceruda

Herbácea perenne pubescente, de ata 90 cm de altura, de follas pinnadas, flores de catro pétalos de cor amarela e froitos en cápsula alongada con sementes negras. Ten un látex velenoso de cor laranxa, rico en alcaloides como a quelidonina, a protopina e a berberina, que se emprega para tratar as espullas. As raíces en po empregáronse como sedante. En Galicia é común en valados e lugares sombríos.