chaqueta

Peza de vestir exterior e con mangas que cobre a parte superior do corpo ata un pouco máis abaixo da cintura e que se pon por riba da camisa ou do traxe. Na indumentaria feminina tradicional é unha prenda de gala e ao mesmo tempo de abrigo, adornada con pasamanería ou brocado. No traxe masculino é unha peza tanto de gala coma de diario; a de diario pode estar feita de diferentes tecidos e adoita ser curta e adornada con remontas, e a de gala está confeccionada cun pano máis fino e ten adornos de cores distintas con deseños xeométricos.