charneira

Articulación das dúas valvas dos moluscos lamelibranquios, formada tipicamente por dentículos e concavidades que engrenan unha valva coa outra. O número e as dimensións dos dentículos teñen importancia taxonómica. A charneira taxodonte presenta dentículos numerosos e moi parecidos, e a charneira heterodonte ten como máximo tres dentes de dimensións distintas.

Cambio de sentido nas estruturas pregadas, que se corresponde coa zona de máxima curvatura. Diferéncianse a charneira do anticlinal e a charneira do sinclinal. Só son perceptibles en relevos que non sufriron procesos erosivos notables.

Pequeno rectángulo de papel transparente engomado que permite adherir os selos ás follas do álbum. Chámase tamén fixaselos e bisagra, pola semellanza do movemento na súa colocación.