Chassey

Cultura neolítica homónima da localidade francesa de Chassey, no departamento de Saône-et-Loire, onde se descubriu o primeiro xacemento no ano 1864. Corresponde ao grupo do segundo Neolítico do Occidente europeo e ocupou a maior parte do territorio do actual estado francés. Era unha sociedade fundamentalmente agrícola que tamén practicaba a gandería. É típica dela un tipo de peza de cerámica de asa horizontal, con diversas perforacións, coñecida como frauta de Pan.