cheminea

1. s f

   Conduto instalado en edificacións, barcos ou noutras construcións que dirixe o fume procedente de cociñas, fornos ou máquinas cara ao exterior.

   Ex: No tellado do pazo hai catro chemineas.

   Sinónimos: chaminea.
2. 1. s f

      Oco na parede dun cuarto no que se fai lume para quentarse e que bota o fume ao exterior mediante un conduto.

      Ex: Se tedes frío acendemos a cheminea.

      Sinónimos: chaminea.
   2. cheminea francesa

      Cheminea con marco e repisa na parte superior.

3. s f [XEOG]

   Conduto na codia terrestre, en concreto en edificios volcánicos, a través do que saen ao exterior materiais procedentes do magma.

   Sinónimos: chaminea.

Frases feitas

• Andar mal da cheminea. Ter pouco xuízo.

Formas incorrectas

Refráns

• Casa sen cheminea, ou de muller pobre ou erma.
• Cheminea nova logo se afuma.