chinchilla

Rillador de ata 30 cm de lonxitude, cos ollos grandes e as orellas arredondadas. O seu pelame, longo, sedoso e moi suave, é un dos máis apreciados en peletería. É unha especie monógama. Viven en zonas restrinxidas dos Andes de Chile, Bolivia, Arxentina e Perú, a unha altitude de 3.000-5.000 m, especialmente en paraxes rochosas, pero practicamente extinguidas en estado salvaxe, por mor da intensa caza á que se veñen sometendo para obter a súa pel. Actualmente, existen granxas de chinchillas en distintos lugares do mundo que satisfán as necesidades do mercado.

Pel deste animal.