"Adam" (Contén)

FAMILIAS

Familia de escultores franceses orixinarios de Nancy. Os máis destacados son Lambert Sigisbert Adam , chamado Adam l’Ainé (Nancy 1700 - París 1759), que traballou para Luís XV nos xardíns de Versalles (Fonte de Neptuno) e publicou un tratado de escultura grega e romana titulado Recueil de sculptures antiques (Escolma de esculturas antigas, 1754); Nicolás Sébastien Adam , chamado Adam Cadet (Nancy 1705 - París 1778), autor do sepulcro de Caterina Opaliuska (1749) en Nancy; e François Gaspart Adam (Nancy 1710 - París 1761), que traballou para Federico II de Prusia en Postdam. Cultivaron un estilo barroco derivado do de Bernini.

FAMILIAS

Familia de arquitectos e, especialmente, de decoradores escoceses do s XVIII, que dan nome ao estilo Adam -estilo neoclásico que se inspira na Antigüidade Clásica greco-romana e en Palladio-. Foron catro irmáns, Robert (Kirkcaldi 1728 - Londres 1792), James (Kirkcaldi 1730 - Londres 1794), William e John , fillos de William Adam (1688-1748), arquitecto de Edimburgo. Arroupados pola nobreza inglesa, decoraron antigas residencias ou edificaron outras novas cunha ornamentación exquisita. O seu estilo espallouse por toda a Illa e polo continente europeo e foi fonte de inspiración das artes do deseño ata a época napoleónica.

PERSOEIRO

Trobador, nomeado tamén Adam le Bossu. Estivo ao servizo do Rei de Nápoles Carlos de Anjou. Autor de numerosas cantigas satíricas e de catorce rondeaux a diversas voces, un feito sen precedentes. Está considerado como o iniciador do teatro profano en Francia debido ás súas obras cómicas Jeu de la feuillée (Xogo das follas, 1260?) e Jeu de Robin et Marion (Xogo de Robin e Marion, 1282?).

PERSOEIRO

Escritor en lingua latina, probablemente de orixe bretona. Perfecciona a poesía rítmica medieval, escribiu secuencias adaptadas á forma estrófica do himno e compuxo prosas para cada tempo litúrxico do ano.

PERSOEIRO

Compositor de música escénica. Foi profesor no conservatorio de París. Compuxo 39 óperas, entre as que cómpre mencionar Le postillon de Longjumeau (O condutor de Longjumeau, 1836) ou Si j’étais roi (Se eu fose rei, 1852), e o ballet Giselle (1841).

PERSOEIRO

Escribiu satiricamente sobre a virtude dos cartos e contra a condición feminina.

PERSOEIRO

Escultor, pintor, gravador e tapiceiro francés, de familia de xoieiros. Inicialmente foi pintor. No ano 1944 realizou diversos traballos para a estrea da obra de Jean Paul Sartre Les mouches (As moscas), dirixida por Charles Dullin. Autor de obras monumentais, inspiradas nun expresionismo poscubista.

PERSOEIRO

Teólogo alemán. Escribiu, entre outras obras, Das Wesen des Katholizismus (O celme do catolicismo, 1924).

PERSOEIRO

Novelista, autor teatral e xornalista francés. Dende o Naturalismo evoluciona cara ao Simbolismo. Escribiu a novela cíclica Le temps et la vie (O tempo e a vida, 1899).

CUMES

Cume de Sri Lanka, ao S da illa (2.243 m de alt). Lugar de peregrinaxe budista e musulmana.

PERSOEIRO

Barítono alemán, grande especialista en papeis wagnerianos.

PERSOEIRO

Compositor e teórico da música. Organista da Real Capilla da Almudena en Madrid, publicou Documentos para la instrución de músicos (1786).

1. Que ten as calidades do diamante.

2. Mineral que ten un brillo e unha dureza semellante á do diamante.

3. Que se caracteriza pola dureza.

4. 1. Referente ao esmalte dentario.

   2. órgano adamantino

      Órgano de orixe ectodérmica que dá lugar ao esmalte dos dentes.

1. de adamascar.

2. Semellante ao damasco ou que contén elementos deste tecido.