"Alberte" (Contén)

PERSOEIRO

Arquiduque de Austria, fillo do Emperador Maximiliano II. Foi educado na corte de Filipe II, que o designou Cardeal (1577) e Arcebispo de Toledo (1584). Vicerrei de Portugal (1587), que defendeu contra os ingleses, e gobernador dos Países Baixos (1591). Na Paz de Vervins decidiuse o seu casamento con Isabel Clara Uxía, filla de Filipe II e soberana dos Países Baixos católicos.

PERSOEIRO

Príncipe elector e Arcebispo de Maguncia (Alberte IV, 1514-1545) e Cardeal (dende 1518). Fillo do elector Xoán I Cicerón de Brandenburgo. Interveu directamente na cuestión suscitada polas indulxencias, un dos motivos máis inmediatos do principio da Reforma protestante, na que se mostrou moderado.

PERSOEIRO

Prelado e misioneiro alemán. Bispo de Letonia (1198), fundou Riga poboándoa de alemáns. Para protexer o Cristianismo en Estonia, Livonia e Letonia, obtivo do Papa Inocencio III no 1204 a fundación da Milicia do Cristo, popularmente coñecida como ‘Cabaleiros Portaespadas’.

PERSOEIRO

Fillo de Godofredo III, duque de Lorena, e de Margarida de Limburgo, foi Bispo de Liexa (1191) e Cardeal. Por mandato do Emperador Enrique IV morreu asasinado en Reims; o corpo levárono a enterrar a Bruxelas. A súa festividade celébrase o 21 de novembro.

PERSOEIRO

Discípulo de Jean Buridan, continuou as súas investigacións sobre a “Teoría do ímpeto”. Foi profesor e reitor nas universidades de París e Viena, e Bispo de Halberstadt dende o ano 1366.

PERSOEIRO

Príncipe consorte da Gran Bretaña (1857), segundo fillo do duque Ernesto de Saxonia-Coburgo-Gotha. Estudiou en Bruxelas e en Bonn. Casado (1840) coa raíña Victoria, curmá súa, influíu nos asuntos políticos.

PERSOEIRO

Carmelita que, segundo a tradición, salvou a cidade de Mesina da fame ao facer entrar no porto tres navíos cargados de víveres. A súa festividade celébrase o 7 de agosto.

PERSOEIRO

Tamén chamado beato de Vercelli, foi Bispo de Bobbio e de Vercelli (1184), amais de Patriarca latino de Xerusalén (1204). Protexeu os carmelitas e morreu asasinado. A súa festividade celébrase o 5 de abril.

PERSOEIRO

Emperador romano-xermánico (1298-1308) da familia dos Habsburgo, primoxénito de Rodolfo I, Duque de Austria (1282-1308), duque de Estiria e do Landgraviato de Alsacia. Arrebatou a dignidade imperial a Adolfo de Nassau, vencido e morto en Gölheim (1298). O Papa Bonifacio VIII recoñeceuno Emperador ata que desfixo a alianza con Filipe IV o Belo (1302). Morreu asasinado por Xoán de Suabia.

PERSOEIRO

Príncipe Elector de Brandenburgo (1470-1476), fillo do Elector Federico I, á morte do cal herdou o margraviado de Ansbach (1440). Loitou contra Baviera, Bohemia e o Palatinado. No 1464 herdou o margraviado de Bayreuth-Kulmbach e no 1470 obtivo a marca e o título de Elector de Brandenburgo.

PERSOEIRO

Rei de Bélxica (1909-1934). Segundo fillo de Filipe, conde de Flandres, sucedeu ao seu tío Leopoldo II (1909). Membro do senado (1893-1898), casou con Elisabeth de Wittelsbach (1900). Encabezou as tropas belgas a raíz da ocupación de Bélxica por Alemaña (1914), tendo que trasladar o seu goberno a Le Havre, onde colaborou cos aliados. Creou a Academia Real da Lingua e da Literatura Francesas (1920). Durante o seu reinado implantouse o sufraxio universal (1919).

PERSOEIRO

Príncipe de Mónaco, de nome Honoré Charles Grimaldi. Estudiou oceanografía e organizou expedicións científicas polo Atlántico e o Mediterráneo. Fundou o Museo Oceanográfico de Mónaco (1899) e o Instituto Oceanográfico de París (1906). Baixo a súa dirección elaboráronse unha serie de mapas batimétricos.

PERSOEIRO

Primeiro Duque de Prusia (1525-1568) e último Gran Mestre da Orde dos Cabaleiros Teutónicos (1511-1525). Converteuse ao protestantismo, secularizou Prusia e fíxoa un ducado herdeiro baixo a soberanía de Polonia (1525). No 1544 fundou a Universidade de Königsberg.

PERSOEIRO

Rei de Suecia (1363-1389). Duque de Mecklenburg-Schwerin, fillo do Duque Alberte II. No 1363 derrocou o seu tío Magnus e abrigouno a renunciar a el e o seu fillo Haakon II ao trono sueco no seu favor. Margarida, Raíña de Noruega e viúva de Haakon II, invadiu Suecia e desposuíuno (1389).

PERSOEIRO

Emperador romano-xermánico (1438-1439), Duque de Austria (Alberte V, 1404), Rei de Hungría (1437) e de Bohemia (1437). Fillo do Duque Alberte IV de Austria, casou (1422) con Elisabeth, filla do Emperador Segimon, a quen sucedeu en Hungría e en Bohemia, onde non foi aceptado polos húsares, aos cales combatera. Loitou contra os turcos otomanos e morreu cando batallaba contra Murad II.