"Arnulfo" (Contén)

PERSOEIRO

Político. Estudiou Medicina na Universidade de Harvard (EE UU), aínda que nunca chegou a exercer a profesión. Encabezou a organización nacionalista Acción Comunal Patriótica, que en 1931 iniciou un golpe de estado contra o Presidente Florencio Harmodio Arosemena. Foi elixido Presidente en 1940, presidindo un réxime que favoreceu as potencias do Eixe durante a Segunda Guerra Mundial. Derrocado en 1941 e exilado ata 1945, volveu a presentarse á Presidencia en 1948 á fronte do Partido Revolucionario; aínda que perdeu, resultou reelixido ao ano seguinte, gobernando ata 1951. Foi elixido por terceira vez en 1968 e derrocado 11 días despois.

PERSOEIRO

Bispo de Metz (614-629). Conselleiro de Khildeberto II, Rei de Austrasia e da Borgoña, pasou ao servizo do fillo deste, Teodoberto II de Austrasia, desposuído (612) polo seu irmán Teodorico II de Borgoña. A pesar do seu laicismo, foi elixido bispo de Metz (614). No 622 Clotario II confioulle a educación do seu fillo Dagoberto e, en parte, o goberno do Reino de Austrasia.

PERSOEIRO

Arcebispo de Reims (989-1021). Fillo ilexítimo do Rei Lotario. Entregou a cidade de Reims (989) a Carlos de Lorena. Por este feito foi reducido ao estado laico no Concilio de Verzy (991). Foi rehabilitado por Roberto II (997).

PERSOEIRO

Rei de Xermania (877-899) e Emperador do Sacro Imperio (896-899). Fillo ilexítimo de Carlomán, Rei de Baviera. Sublevouse contra o seu tío, o Emperador Carlos o Grande, e foi proclamado Rei de Xermania na Dieta de Trebur (877), que destituíu ao Emperador. Derrotou os normandos pero fracasou contra os moravos (893).

PERSOEIRO

Eclesiástico. Bispo de Santiago de María (1974), en 1977 foi elixido arcebispo de San Salvador. Defensor apaixonado dos máis oprimidos, morreu asasinado mentres celebraba misa o 24 de marzo de 1980, ao día seguinte de facer unha chamada ao goberno e ao exército para que acabase a represión sobre o pobo salvadoreño.