"Bacillus" (Contén)

Xénero de bacterias, da familia das baciláceas, xeralmente Gram-positivas (aínda que en cultivos vellos o carácter Gram pode variar), en forma de bastonciño, móbiles con flaxelos perítricos, capaces de formar endosporas, que poden ser aerobias estritas ou aerobias facultativas. O máis patóxeno para o home e para os animais é o B. anthracis, o axente causante do ántrax. Hai bacilos patóxenos para os insectos que son utilizados na formulación de bioinsecticidas, como o B. thurigiensis var israelensis, de grande eficacia contra larvas de mosquito, e o B. thuringiensis var kurstaki, eficaz contra larvas de lepidópteros. Algunhas especies son produtoras de antibióticos como a bacitracina, a polimixina, a tirocidina, a gramicidina e a circulina.

Xénero de insectos pau da familia dos fásmidos. En Europa pódese atopar a especie B. rossii, de ata 90 mm de lonxitude, áptera e de cor verde, que se reproduce principalmente por partenoxénese, propia de matogueiras mediterráneas do sur do continente.

Xénero de bacterias, da familia das lactobaciláceas, que teñen a propiedade de fermentar unha gran variedade de substancias con produción de ácido láctico, CO2, etanol e/ou ácido acético. Son redondos, inmóbiles e Gram-positivos. Os seus hábitats naturais son moi variados (boca, tracto intestinal, vaxina ou materiais vexetais). Teñen un grande interese económico, posto que son os responsables da fermentación de produtos lácteos.

Xénero de bacterias que comprende diversas especies de acción bioquímica específica en pH ácido ou neutro. Destaca T. denitrificans, que en condicións anaeróbicas utiliza o nitrato como fonte de nitróxeno e é prexudicial para o solo.