"Bego" (Contén)

PARROQUIA

Parroquia que dá nome ao concello de Abegondo baixo a advocación de santa Baia.

GALICIA

Concello da comarca e da provincia da Coruña, situado no N da comunidade autónoma de Galicia. Limita ao N cos concellos de Bergondo e Cambre, ao O co de Carral, ao S cos de Ordes e Mesía, e ao L cos de Cesuras, Oza dos Ríos e Betanzos. Abrangue unha superficie de 83,9 km 2
cunha poboación de 5.808 h (2007) distribuídos nas parroquias de Abegondo, Cabanas, Cerneda, Cos, Crendes, Cullergondo, Figueroa, Folgoso, Leiro, Limiñón, Mabegondo, Meangos, Montouto, Orto, Presedo, Sarandóns, Vilacoba, Vións e Vizoño. A capital municipal é o lugar de San Marco (43 0 13’ 46’’ N- 8 0 17’ 11’’ O). Está adscrito ao partido xudicial de Betanzos e á arquidiocese de Santiago de Compostela.
Xeografía física
O territorio municipal de Abegondo atópase no dominio climático oceánico...

GALICIA

Museóloga no Museo Arqueolóxico e Histórico Castelo de San Antón (A Coruña). É doutora en Xeografía e Historia pola Universidade de Santiago de Compostela.A súa labor céntrase na investigación do patrimonio arquitectónico popular de Galicia, sobre todo os hórreos e os muíños. Publicou os seguintes traballos: As construcións populares: un tema de Etnografía en Galicia (1983), Camiños, pasos e pontes (1989), Muíños de marés e de vento en Galicia (1991) e Os muíños (2000). Así mesmo, é colaboradora habitual de revistas especializadas como Verba, Gallaecia, ou Brigantium. Recibiu o Premio de Etnografía Vicente Risco (1978), o Premio Domingo Fernández del Riego (1984) e o Premio da Crítica Galicia (1993).

MONTAÑA

Montaña dos Alpes Marítimos, na Occitania, na que se descubriron numerosos gravados rupestres prehistóricos, situados entre os 2.000 e 2.500 m de altitude, que representan en total unhas 40.000 figuras, divididas en diversos grupos. A maioría son representacións esquemáticas de bóvidos ou de armas, sobre todo puñais que corresponden a modelos da idade do bronce, aínda que a parte máis antiga poida corresponder aos tempos do Neolítico.

1. Relativo ou pertencente ás plantas herbáceas ou arbustos da mesma familia que a begonia.

2. Planta da mesma familia que as begonias.

3. Familia de plantas herbáceas ou leñosas da orde das violais, máis ou menos suculentas ou sufruticosas, propias de países tropicais, especialmente de América do Sur. A esta familia pertencen as begonias.

PARROQUIA

Parroquia baixo a advocación de san Pedro que é capital e dá nome ao concello de Begonte.

GALICIA

Concello da Terra Chá, situado na provincia de Lugo no N da Comunidade Autónoma de Galicia (43° 09’ de latitude N e 7° 40’ de lonxitude O). Limita ao N cos concellos de Cospeito e Vilalba, ao O co de Guitiriz (todos eles da Terra Chá), ao S cos de Friol e Outeiro de Rei e ao L cos de Rábade, Outeiro de Rei (comarca de Lugo) e Cospeito . Abrangue unha superficie de 126,8 km 2 c unha poboación de 3.550 h (2007), distribuídos nas parroquias de Baamonde, Baldomar, Begonte, Bóveda, Carral, O Castro, Damil, Donalbai, Felmil, Gaibor, Illán, Saavedra, San Fiz de Cerdeiras, San Martiño de Pacios, San Vicente da Pena, Santalla de Pena, Trobo, Uriz e Virís. A capital, na parroquia de Begonte. Situado a 94 km de Santiago de Compostela e a 21 km de Lugo e de Vilalba, está adscrito ao partido xudicial de Vilalba e á diocese de Lugo.
Xeografía física
O territorio que forma o concello de Begonte está inmerso nunha área de dominio climático oceánico continental. A...

PERSOEIRO

Escritor croata. Introduciu no seu país as tendencias literarias imperantes na Europa do momento, dende Ibsen ata Pirandello. Escribiu poesía, teatro e novela.

PERSOEIRO

Político bosníaco. Graduado en Dereito, dedicouse á defensa dos dereitos da comunidade musulmá na antiga República Federal Socialista de Iugoslavia. Fundou o Partido de Acción Democrática (SDA)(1988), formación política de carácter musulmán, nacionalista e laico, coa que foi escollido presidente de Bosnia-Herzegovina nas eleccións de 1990, declarando a independencia en 1992, que deu paso a unha guerra civil. Aínda que a súa pretensión inicial era a creación dun estado multiétnico, aceptou os acordos de Dayton de 1995, que supuxeron o repartimento do territorio. Tralas eleccións de 1996 converteuse no primeiro presidente da presidencia tripartita, cargo que revalidou en 1998 e do que dimitiu, por motivos de saúde, en 2000.

MONTES

Monte situado na parroquia de Baíste (Avión). O seu cumio acada os 720 m de altitude.

PARROQUIA

Parroquia do concello de Abegondo baixo a advocación de san Tirso.

PERSOEIRO

Actriz. Vinculada á compañía Sarabela desde a súa creación, participou en diversos espectáculos do colectivo e desenvolveu e coordinou diversas actividades de formación e divulgación teatral. Como dramaturga, participou na tradución e adaptación de textos como Xacobe ou a sumisión, de Ionesco, Madame de Sade, de Mishima ou A esmorga, de Eduardo Blanco Amor. É coautora das obras Afección, Tics e Os soños de Caín, realizados por Sarabela Teatro.

PERSOEIRO

Político peruano. Elixido presidente da república (1833-1834), foi derrocado por Felipe Santiago Salaverry. Despois de pactar co xeneral Andrés de Santa Cruz, presidente de Bolivia, ocupou Perú, e en 1837 organizou con este a Confederación de Bolivia e Perú, feito que provocou o enfrontamento con Chile. Derrotado polos chilenos, tivo que abandonar o país (1838).