"Beiras" (Contén)

GALICIA

Médico oftalmólogo. Realizou o primeiro estudo médico da historia redactado en lingua galega e titulado Ensaios para mellorar os resultados terapéuticos no estrabismo, que expuxo en decembro de 1958 na Academia Médico-Cirúrxica de Vigo. Froito das súas investigacións sobre esta materia aparece a invención do sinoptóforo, aparello óptico que buscaba reducir a dificultade de percepción visual das persoas estrábicas. Trala súa morte constituíuse en Vigo a Asociación Estrabolóxica Instituto Beiras. Entre as súas obras cómpre destacar: Contribución al tratamiento quirúrgico de la obstrución de las vías lagrimales (1944), Nuevo procedimiento para la oclusión alternativa en el tratamiento del estrabismo (1959), Novas orientaciós na ciruxía da catarata (1964), Tiempo, espazo y esfuerzo en la práctica oftalmológica (1964) e État actuel du Synoptophore à Televisión (Estado actual do sinoptóforo na televisión, 1965).

GALICIA

Catedrático de Estrutura Económica na Universidade de Santiago e político nacionalista. Realizou estudios de Dereito e Ciencias Económicas na Universidade de Santiago de Compostela e de Lingua e Literatura Francesa na Université de la Sorbonne. A súa actividade política iniciouse en 1963, cando participou na fundación do Partido Socialista Galego (PSG), no que ocupou o cargo de secretario xeral. Anos máis tarde, integrouse no Bloque Nacionalista Galego (BNG), formación que lidera e á que representa no Parlamento de Galicia dende a segunda lexislatura (1985). O feito máis salientable da súa actividade política é a súa capacidade de reunir nunha mesma formación a diferentes partidos políticos galeguistas (Partido Nacionalista Galego, Esquerda Nacionalista, Unidade Galega, Unión do Pobo Galego, etc) e conducir ao nacionalismo galego dunha presenza marxinal na política galega a ser a segunda forza política do país e alternativa de goberno. Tras ser nomeado académico de número da Real Academia...

PARROQUIA

Parroquia do concello de Arbo baixo a advocación de san Sebastián.

GALICIA

Médico e cirurxián. Foi director da área do corazón e xefe do servizo de cardioloxía do hospital Juan Canalejo da Coruña, profesor asociado de ciencias da saúde do departamento de Medicina da Universidade de Santiago, profesor titular de cardioloxía da Universidade da Coruña e director do Instituto de Ciencias da Saúde. Colaborou en distintas publicacións de epidemioloxía clínica e na investigación sobre marcapasos, trasplantes cardíacos e cardioloxía clínica. Foi presidente da Sociedad Gallega de Cardiología (1985-1988) e da Sociedad Española de Cardiología (1997-1999). Foi galardoado cos premios Arthur Andersen de xestión clínica, Fundación Española del Corazón, Boehringer Mannhein e Bristol Myer Squibb.

PUNTA

Punta do litoral atlántico situada entre a de Pedro do Sal e a praia de Santa Mariña, na parroquia de Xaviña (Camariñas).

PARROQUIA

Parroquia do concello de Castro de Rei baixo a advocación de san Xoán.

PARROQUIA

Parroquia do concello de Pantón baixo a advocación de santo André.

IGREXAS

Igrexa parroquial situada en Pantón. Construída no s XVII, conserva elementos de épocas anteriores e sufriu importantes reformas. Consta de dúas naves de planta rectangular, unha delas engadida no s XVIII, presbiterio e sancristía. No interior destaca un retablo barroco que cobre o testeiro e outro lateral de finais do s XVIII. Na fachada destaca un ollo de boi no frontispicio.

PARROQUIA

Parroquia do concello de Mañón baixo a advocación de san Cristovo.

MONTES

Monte situado na parroquia de Cima de Ribeira (Xinzo de Limia). O seu cumio acada os 800 m de altitude.