"Brahmā" (Contén)

Divindade, un dos deuses da trindade posvédica, xunto con Vishnu e Siva. Creador do mundo e da personificación mitolóxica do brahman ou Absoluto. Non é unha divindade con moitos fieis. Represéntase con forma de home con catro caras e catro brazos, sentado sobre un loto ou un cisne.

Filón arqueolóxico do Deccan, República da India, no S de Ballari, onde están estratificadas as culturas máis importantes do bronce e ferro da prehistoria do país.

[sánscr: brāhman]

Concepto fundamental da metafísica do Hinduísmo co que se designa o Absoluto. Inicialmente designaba pregaria, himno, fórmula máxica e coñecemento sagrado, e chegou a ser un principio cósmico absoluto e universal identificado co paramaātman; converteuse na única realidade, centro de especulación dos Upanishad, obxecto de meditación e fin do progreso intelectual.

Colección de obras en prosa que constitúen unha serie de comentarios e ampliacións dos Vedas. Escritos entre o 700 e o 600 a C, conteñen comentarios dos himnos védicos, coa descrición dos rituais dos sacrificios e pregarias. Servían de guía para o ritual dos brahmáns. Deron lugar a unha corrente postvédica, caracterizada por unha evolución cara ao ritualismo e relacionada cun crecemento do poder sacerdotal. Son os escritos en prosa máis antigos dunha lingua indoeuropea, aínda que non teñen mérito literario.

Relativo ou pertencente aos brahmáns ou ás súas doutrinas ou cultos.

Filosofía e sistema relixioso da India. O termo foi empregado polos primeiros viaxeiros e misioneiros europeos para expresar a influencia da caste sacerdotal dos brahmáns sobre a sociedade. Erroneamente, o termo foi utilizado en Occidente co significado de Hinduísmo. É a relixión de toda a rexión ocupada polos arios. As fontes do Brahmanismo están nos libros sagrados da India: Vedas, textos do coñecemento; Scruti ou textos da revelación; Samhita, colección de himnos; Brahmanas, textos de contido litúrxico ou mitolóxico; e os Upanishad, de carácter filosófico. Os deuses (deva) están xerarquizados; tres deles ocupan lugar preeminente: Brahmā, divindade suprema, pai de todos os deuses, xunto con Visnú e Siva, forman a trimurti ou trindade sagrada. Estes deuses residen no ceo ou no cumio dunha montaña inaccesible (Kailasa, Meru) e o seu comportamento é semellante ao dos homes. O punto esencial da súa filosofía é a...