"Canosa" (Contén)

1. Apelido orixinado nun topónimo abundancial, formado sobre cana: ‘lugar no que abundan as canas’. Documéntase no s XVIII: “Domingo Canosa” (doc ano 1752 en La Coruña 1752 según las Respuestas Generales del Catastro de Ensenada, p 193). A mesma orixe ten o apelido Canoso, aínda que non se pode descartar a posibilidade de que nalgún caso sexa unha castelanización do adxectivo cano; en tal caso, a súa orixe sería un alcume.

2. Liñaxe que leva como armas, en campo de prata, un castelo da súa cor, ameado e con cachotería de sable. Outros traen, en campo de prata, unha torre da súa cor, con dúas bandeiras de goles, saíndo polas troneiras.

ILLAS

Illa situada no esteiro do río Miño, dividida territorialmente entre as parroquias de San Miguel de Tabagón (concello do Rosal) e Salcidos (concello da Guarda). Formada por depósitos aluviais, a súa superficie varía en función das dinámicas fluvial e mareal. Carece de asentamentos de poboación e aprovéitase con fins gandeiros. Constitúe unha importante área de invernada para as aves migratorias.

GALICIA

Escritora. Realizou estudios de enxeñería de camiños, canais e portos na Coruña. Publicou Bramido maino (1997), A pedra de seixo (1997) e Á espreita na penumbra (1999). Ademais participou en varias obras colectivas como Dezaseis relatos (1995), Rumbo ás illas (1997), O trasno rebuldeiro (1997), Nós (1997) ou Mini-relatos (1999). Recibiu premios en diversos certames literarios, como os da A. C. Xermolos e O Facho, así como dúas mencións especiais no Premio Rúa Nova.

GALICIA

Avogado e economista. Estudiou na Escola de Comercio da Coruña, na Escuela Central Superior de Comercio de Madrid e na Universitat de Barcelona. Foi delegado do goberno na Bolsa libre de Barcelona, conselleiro do estado no Banco de España, director xeral de Banca e Bolsa e vicepresidente da delegación do goberno no Banco de Crédito Industrial. Publicou La intervención del Estado en la Bolsa libre e Historia menuda de un pueblo gallego. Exerceu tamén como membro correspondente da Real Academia Galega. Recibiu o Premio Pérez Lugín da asociación da prensa da Coruña en 1950 e a Cruz do Mérito Civil.