"Carracedo" (Contén)

RIOS

Río afluente do Camba pola dereita. Nace na vertente setentrional da Serra Seca, na parroquia de Carracedo da Serra, concello da Gudiña. Cun curso de dirección S-N, actúa de colector de varios regos que drenan a serra e penetra na parroquia de Fornelos de Fiollás, no concello de Viana do Bolo, onde desemboca.

PARROQUIA

Parroquia do concello de Caldas de Reis baixo a advocación de santa Mariña.

PARROQUIA

Parroquia do concello de Láncara baixo a advocación de san Vicente.

PARROQUIA

Parroquia do concello da Peroxa baixo a advocación de Santiago.

PARROQUIA

Parroquia do concello da Veiga baixo a advocación de san Miguel.

1. Apelido de orixe toponímica. O topónimo homónimo é un abundancial formado sobre o latín tardío carriceu (derivado do latín vulgar *cariceu) ‘carrizo ou cana silvestre dos pantanos’. Documéntase no século XIII: “Petrus Fernandez ditus Carracedo” (doc ano 1200 en Emilio Duro Peña Catálogo de los documentos privados en pergamino del Archivo de la Catedral de Orense (888-1554), 1973, p 102).

2. Liñaxe que trae como armas escudo acuartelado: primeiro e cuarto cuartel, en campo de goles, cun castelo de ouro; segundo e terceiro cuartel, en campo de prata, cun lobo andante de sable. Outra variante leva, en campo de prata, unha aspa de azul e xefe de azul con tres coxíns de ouro.

PARROQUIA

Parroquia do concello da Gudiña baixo a advocación de Santiago.

GALICIA

Sindicalista. Coñecido como o Nécoras, foi un dos fundadores da organización Juventud Liberal. En Tierra del Fuego foi un dos alicerces da Federación Obrera de Magallanes, de tendencia anarcosindicalista (1918), e, como consecuencia das loitas sociais, pasou un ano na prisión de Ushuaia antes de ser deportado en 1921. Retornou a Santiago de Compostela para asesorar no tempo inmediato á Ditadura de Primo de Rivera o Sindicato de Panaderos da CNT, aínda que a mediados da década de 1920 dirixiu o negocio familiar e afastouse da organización obreira. Detido nos días inmediatos ao golpe militar de xullo de 1936, foi asasinado nos arrabaldes da cidade.