"Chipre" (Contén)

ENTRADA LARGA

Estado insular do Mediterráneo oriental, situado a uns 100 km ao S da península de Anatolia. Estendida entre os 34° e os 36° de latitude N e os 32° e 34° de lonxitude L, abrangue unha superficie de 9.251 km2 nos que acolle unha poboación de 771.000 h (estim 1998). A capital é Nicosia. Trala súa independencia (16.8.1960) a illa acolleu un único estado; sen embargo, as tensións entre as comunidades grega e turca levaron á ocupación da parte setentrional polo exército turco (15.7.1974) e a proclamación do Estado Federado Turcochipriota (13.2.1975), que logo se converteu en República Turca de Chipre Setentrional (15.11.1983), que só está recoñecida por Turquía.
Xeografía física
Terceira en extensión das illas do Mediterráneo, Chipre está constituída basicamente por dúas cordilleiras que a atravesan en dirección L-O, separadas pola gran chaira central de Mesaria. A cadea montañosa do N, chamada cordilleira de Kirencia ou Pendadakhtilos, ten unha lonxitude...

REPUBLICAS

Estado independente situado ao N da illa de Chipre, no Mediterráneo oriental, ao S de Turquía (3.355 km2; 198.215 h [1996]), proclamado o de 15 de novembro de 1983 logo de nove anos de ocupación militar turca. Non está recoñecido internacionalmente máis que por Turquía e forma parte legal da República de Chipre.

PERSOEIRO

Rei de Chipre (1218-1253), fillo de Hugo I. Ao chegar á maioría de idade, liberouse das tropas do Emperador Federico II (1233). Converteuse en señor de Xerusalén (1246) e acompañou a Luís IX de Francia na Cruzada (1249).

PERSOEIRO

Rei de Chipre (1284-1324) e derradeiro rei de Xerusalén (1284-1291), fillo do Rei Hugo III. Sucedeu no trono ao seu irmán Xoán I. Trala caída de Trípoli (1289) e Acre (1291), perdeu os territorios de Terra Santa fronte aos mamelucos de Exipto. Marchou a Chipre onde gobernou ata que o seu irmán Amaury o secuestrou e o exiliou en Cilicia. Tralo asasinato do seu irmán polos nobres do reino (1310), restituírono no trono. Casou con Costanza, filla de Federico III de Sicilia (1318).

PERSOEIRO

Rei de Chipre (1267-1284) e de Xerusalén (1269-1284), sucesor do seu primo Hugo II. Paralizado pola insubordinación en Chipre e en Xerusalén, fracasou nos intentos de restaurar a dominación franca en Siria.

PERSOEIRO

Rei de Chipre e de Xerusalén (1324-1358), sucesor do seu tío Enrique II. Aliado co papado, Venecia e os cabaleiros de Rodas, liberou Esmirna do poder turco en 1343.

PERSOEIRO

Raíña de Aragón, filla de Hugo III de Chipre e Xerusalén. Casou en 1315 con Xaime II de Aragón.

PERSOEIRO

Rei de Chipre e de Xerusalén (1359-1369), conde de Trípoli, fillo e sucesor de Hugo IV de Chipre. Sucedeu a este no trono e emprendeu unha nova cruzada. De regreso a Chipre, tivo que escoitar a denuncia dos baróns da infidelidade da súa muller durante a súa ausencia. Negouse a castigala e vingouse do conde de Rochas, que fixera a denuncia, facéndoo encarcerar. Este feito provocou as iras da alta corte dos baróns e foi a causa do seu asasinato.