"Daimiel" (Contén)

Mostrando 2 resultados de 2.

  • Daimiel
    Escoitar

    MUNICIPIOS

    Municipio da provincia de Ciudad Real, Castela-A Mancha, drenado polos ríos Guadiana e o seu afluente, o Azuer (16.929 h [1996]). É un importante centro agrícola con cultivos de viña, oliveiras, cereais e hortalizas, así como un núcleo industrial, no que destaca a produción téxtil, a construción e os produtos alimenticios. No comercio cómpre salientar as exportacións de viño e alcois. No seu termo encádrase o Parque Nacional de Las Tablas de Daimiel.

    VER O DETALLE DO TERMO
  • Tablas de Daimiel, Parque Nacional de Las
    Escoitar

    Parque nacional que ocupa 1.928 ha dos municipios de Daimiel e Villarrubia de los Ojos, na provincia de Ciudad Real, Castela-A Mancha. Foi creado en 1973 e é un exemplo do ecosistema chamado táboas fluviais, que se formou polos desbordamentos, na súa confluencia, dos ríos Guadiana e Gigüela, favorecido pola escasa pendente do terreo. Representa os ecosistemas ligados ás zonas húmidas continentais. Unha gran variedade de aves acuáticas viven na zona, e das máis adaptadas á auga están diversas especies de somorgullos, ademais de garzas e todo tipo de anátidas ibéricas. Da flora, as plantas acuáticas son o substrato básico do parque, e as únicas árbores presentes son os tarais. Este parque asegura a supervivencia dun gran número de aves que a utilizan como área de descanso. Ten, entre outras figuras de protección, a declaración de Reserva da Biosfera (1981).

    VER O DETALLE DO TERMO