"Darwin" (Contén)

CAPITAIS

Capital do estado do Territorio Norte, Australia, na costa do mar de Timor (86.600 h [estim 1998]). Importante porto pesqueiro e comercial, exporta principalmente produtos cárnicos e peixe. Tamén é sede dunha base militar naval.

PERSOEIRO

Naturalista inglés fillo de Robert Waring Darwin, médico de prestixio, e neto de Erasmus Darwin, médico e biólogo. É autor da teoría da descendencia modificada por medio da selección natural. En 1825 iniciou os seus estudios de medicina en Edimburgo, pero abandonounos dous anos despois para comezar a carreira de teoloxía en Cambridge. Nesta cidade coñeceu o xeólogo Adam Sedgwick e o botánico John Stevens Henslow, que favoreceron o seu interese pola natureza e asentaron a súa formación científica baseada na importancia das observacións detalladas e na correlación dos feitos para establecer conclusións. En 1831, logo de acadar o título de bachelor of Arts, realizou unha viaxe científica por Gales en compañía de Sedgwick. A lectura da obra do científico e explorador Alexander von Humboldt, espertou o seu interese polas viaxes e, precisamente grazas á influencia de Henslow, o 27 de decembro de 1831 comezou unha viaxe ao redor do mundo a bordo do barco inglés de investigación H. M....

PERSOEIRO

Médico, biólogo e poeta inglés, avó de Charles R. Darwin e de Francis Galton. Estudiou nas universidades de Cambridge e Edimburgo, e exerceu a medicina en Lichfield. No libro Zoonomia or the laws of organic life (Zoonomía ou leis da vida orgánica, 1794-1796) anticipouse ás teorías sobre a orixe dos seres vivos elaboradas por Jean-Baptiste Lamarck e Ch. R. Darwin, e a Ivan Pavlov no tocante á intelixencia e á emoción. Tamén é autor de The temple of nature or the origen of society (O templo da natureza ou a orixe da sociedade, 1803) e de The botanic garden (O xardín botánico, 1794-1795).

ENTRADA LARGA

Teoría científica desenvolvida por Charles Robert Darwin, fundamentalmente en catro das súas obras: On the Origin of Species by Means of Nature Selection, or the Preservation of Favoured Races in the Struggle for Life (A orixe das especies por medio da selección natural ou preservación das razas favorecidas na súa loita pola existencia, 1859), The Variation of Animals and Plants under Domestication (A variación dos animais e das plantas baixo a domesticación, 1868), The Descent of Man, and Selection in Relation to Sex (A orixe do home e a selección sexual, 1871) e The Expresion of the Emotions in Man and Animals (A expresión das emocións no home e nos animais, 1872). Despois de 1859 e durante a primeira revolución darwiniana, un amplo número de científicos (Charles Lyell, Alfred Russell Wallace, Thomas Henry Huxley, Asa Gray, Ernst Heinrich Haeckel, entre outros) entenderon o darwinismo como a teoría capaz de explicar a existencia do mundo vivo mediante causas naturais. Trala segunda revolución...

1. Relativo ou pertencente a Darwin ou ao darwinismo.

2. Persoa partidaria do darwinismo.

1. Relativo ou pertencente ao neodarwinismo.

2. Seguidor do neodarwinismo.