"Dimas" (Contén)

Mostrando 5 resultados de 5.

  • Corral Aller, Dimas
    Escoitar

    GALICIA

    Médico. Cursou os estudios universitarios en Santiago de Compostela e Madrid. En 1870 ingresou no corpo de sanidade militar e, en 1872, foi destinado a Filipinas onde obtivo a cátedra de Anatomía Cirúrxica e Operacións da Universidad de Manila (1878). En 1899 foi nomeado director do Hospital Militar da Coruña e, en 1890, membro numerario da Real Academia de Medicina e Cirurxía de Galicia.

    VER O DETALLE DO TERMO
  • Corral Rebellón, Dimas
    Escoitar

    GALICIA

    Médico e profesor. Doutorouse en Filosofía e Medicina (1846) pola Universidade de Santiago de Compostela e foi nomeado rexente de socioloxía e lóxica da facultade de Letras compostelá. Exerceu en Ourense e foi profesor de filosofía no Seminario desa cidade. Foi redactor de La Aurora del Miño e de El Eco de Galicia e, en 1860, colaborador de El Correo de Lugo.

    VER O DETALLE DO TERMO
  • Dimas
    Escoitar

    Antropónimo masculino de orixe descoñecida. Posiblemente se relacione coa cidade aquea Dyme ou sexa unha adaptación cristiá de Dio-master ‘que busca a Deus’, ou Di-machos ‘que combate polos dous lados’. A festividade de san Dimas, rebelde crucificado a carón de Cristo, celébrase o 10 de abril.

    VER O DETALLE DO TERMO
  • Dimas, san
    Escoitar

    Rebelde celote crucificado a carón de Cristo no monte Calvario. Figura no martiroloxio o 10 de abril, co apelativo de “bo ladrón” (latro na xerga política latina significaba ‘membro dun grupo armado de resistencia á ocupación romana’), alcume que lle deu a tradición polo seu arrepentimento. É o patrón dos moribundos, condenados a morte, pecadores arrepentidos e ladróns, entre outros; e o seu culto aparece asociado ao doutros pecadores arrepentidos. Na iconografía aparece crucificado á dereita de Cristo.

    VER O DETALLE DO TERMO
  • Romero Vázquez, Dimas
    Escoitar

    GALICIA

    Médico. Estudou na Universidad de Valladolid e interouse polo cancro e as novas técnicas para combater esta enfermidade. Foi académico correspondente da Real Academia Galega e membro fundador doutras sociedades médicas españolas. Escribiu Galería de médicos gallegos ilustres (1977). Recibiu a medalla de ouro da Asamblea Suprema de la Cruz Roja Española e a Gran Cruz de la Orden Civil de Alfonso X el Sabio.

    VER O DETALLE DO TERMO