"Draco" (Contén)

Dispositivo electrónico constituído por un triaco e un diaco encapsulados conxuntamente, de xeito que se pode conectar nun circuíto de corrente alterna e accionar directamente sen necesidade de ningún elemento auxiliar de disparo.

Xénero de réptiles, da familia dos agámidos, de ata 25 cm de lonxitude. Caracterízanse por presentar unha pregadura cutánea que, ao estendela, grazas a unhas costelas extremadamente longas, serve para realizar voos planadores entre as árbores das selvas tropicais onde habita. Estas extensións cutáneas son de cores vistosas, pola parte superior -amarelas, laranxas ou vermellas- e, as máis das veces, de cores claras -azuis- con puntos brancos ou negros, por debaixo. Permanecen na copa das árbores a maior parte da súa vida e só as femias descenden ao nivel do chan para realizar a posta. Existen 16 especies entre as que destacan: D. melanopogon, distribuída por Malaca, Sumatra e Borneo; D. volans, presente en Filipinas e dende Malaisia ata Indonesia; e D. dussumieri, propia da India meridional. Reciben a denominación popular de dragóns voadores.

Nome latino da constelación do Dragón.

Resina de cor amarela brillante que se extrae de diferentes árbores, como a Calamus draco e o drago. É a base do sangue de drago.

Aplícase ao movemento referido ao nodo ascendente da Lúa.

dracunculose.