"Feixoo" (Contén)

Liñaxe que se estableceu en Celanova, en Bamio (Santo Eusebio da Peroxa, Coles), Vilar de Cas (Souto de Limia, Muíños), Vilanova dos Infantes (Celanova) ou Allariz, de onde pasaron ao Novo Reino de Granada. As súas armas levan, en campo de goles, unha espada de prata, coa punta cara a arriba, gornecida de ouro, acompañada de seis besantes de ouro, tres a cada lado, postos en pao. Adoita aparecer castelanizado coa forma Feijoo.

Autor do primeiro texto da literatura dramática galega, o entremés titulado La contienda de los labradores de Caldelas e máis coñecido como Entremés famoso sobre a pesca do río Miño, escrito arredor de 1671 e que se conserva nun manuscrito do século XVII depositado na Biblioteca Nacional de Madrid. Non existen datos fiables respecto deste autor, a súa procedencia e as súas ocupacións, aínda que semella ter sido persoa culta, oriúnda da raia do Miño.

Construción situada en San Salvador de Pazos de Arenteiro (Boborás). Ten planta en forma de U con dúas alturas a diferentes niveis e patio interior. A cuberta é a catro augas. Na parte máis antiga, erixida a mediados do s XVI, destaca a solaina montada sobre arcos de medio punto e con decoración de placas. No portal conserva tres escudos que aluden aos Puga e Fernández del Valle, aos Nóvoa e Enríquez, e aos Salgado e Ribadeneira.

Construción situada en Santa María de Baamorto (Monforte de Lemos). Ten planta en forma de L e capela, con espadana, unida ao edificio. A fachada principal sitúase nun dos lados menores do corpo máis desenvolvido. Na parte posterior transformouse a solaina nunha galería; consérvase tamén unha escaleira que dá acceso á planta nobre.