"PRI" (Contén)

Principio diferencial da mecánica que di que a forza de inercia dun punto material equilíbrase coa resultante das forzas sobre el aplicadas, nun sistema non sometido a forzas de frición.

Principio para a construción do obxectivo dos microscopios que, baseándose nas propiedades dos puntos estigmáticos do dióptrico esférico, indica o xeito de corrixir a desviación dos raios que proceden do obxecto en observación.

Subtitulada como “Publicación del Magisterio”, editouse en Lugo no ano 1870. Contiña información de carácter educativo.

Estado latino fundado no 1098, a raíz da Primeira Cruzada, por Boemundo I, príncipe de Tarento. A súa obra foi completada e consolidada polo seu neto Tancredo. O Principado estendíase ao longo duns 200 km de costa, dende o norte de Alexandreta ata o sur de Bâniyâs; ao sueste incluía Apames e Maaret en Naamân e, a certa distancia de Alepo, alcanzaba os límites do condado de Edesa. Independente de dereito, aceptou someterse a Bizancio en vasalaxe. Saladino (morto no 1193) apoderouse da maior parte do seu territorio. A súa existencia rematou con Baybars, quen se apoderou da cidade de Antioquía no 1268, en tempos de Boemundo VI.

Relativo ou pertencente ao apriorismo.

Ocupación dunha terra erma sen titular directo co propósito de explotala convenientemente.

Acción e efecto de aprisionar.

Punto de intersección da eclíptica co ecuador celeste. Como consecuencia do movemento causado pola nutación, o primeiro punto de Aries atópase agora na constelación de Pisces. É coñecido tamén por punto vernal, punto equinoccial ou equinoccio de primavera, e está representado polo signo de Aries.

Un dos principios fundamentais da estática de fluídos, polo que un corpo somerxido nun fluído é afectado por unha forza ascensional (impulso de Arquímedes) aplicada ao metacentro igual ao peso do fluído desaloxado. Se se supón que o corpo e o líquido son homoxéneos e de pesos específicos γ1 e γ2, chámaselle P ao peso do corpo, e F á forza ascensional, cúmprese que P = Vγ1 e F =Vγ2, onde V é o volume do corpo. Se P > F, o corpo afúndese. Se P = F, o corpo nada entre dúas augas, e se P < F, o corpo flota. En todos os casos o peso do corpo medido dentro do fluído é P - F.

Título concedido en Nápoles por Carlos V en 1532 a Antonio de Leiva y Hurtado de Mendoza, marqués de Atella e conde de Monza, que estaba casado con Castellana de Vilaragut. A grandeza de España xa lle fora outorgada no 1530. Coa morte do sexto titular o principado reverteu á Coroa. En 1679, Carlos II concedeulle o ducado de Áscoli aos Marulli.

Título dos fillos primoxénitos e herdeiros dos reis de España. Foi fundado por Xoán II en 1388 cun morgado para os fillos lexítimos e primoxénitos dos reis de Castela e León.