"Pepsi" (Contén)

Anulación ou diminución das funcións químicas dixestivas.

Dixestión lenta.

Dixestión difícil e laboriosa de carácter crónico. Non expresa unha enfermidade, senón a percepción, no medio do ventre, de trastornos relacionados coa dixestión. As dispepsias son primitivas, comprenden os trastornos dixestivos altos de causas imprecisas, e secundarias, refírense aos trastornos da función gástrica orixinados na patoloxía dun órgano dixestivo ou en alteracións non dixestivas. Fanse dous grandes grupos: as hiperesténicas, en que o malestar non aparece ata que transcorreron unhas cantas horas desde a inxestión de alimentos, e as hipoesténicas, en que o malestar se manifesta cando o estómago está cheo de alimentos.

Estado fisiolóxico que define a dixestión normal.

Dixestión deficiente que se debe a unha menor secreción de enzimas gástricos.

Empresa estadounidense creada en 1903 por Caleb Bradham para comercializar un refresco de cola, co nome de Pepsi-Cola, que primeiramente fora unha medicina contra a dispepsia. Na década de 1950 comezou a súa expansión internacional e comercializaron os seus produtos a traves de filiais locais. En 1965 fundouse PepsiCo, Inc e, en 1992, entrou en sociedade coa Compañía Thomas J. Lipton.

péptico.

Enzima proteolítico, illado por primeira vez por J. H. Northrop, que cataliza a hidrólise dos enlaces peptídicos que presentan un grupo carbonilo pertencente a algún dos seguintes aminoácidos: fenilalanina, triptófano, tirosina, leucina, ácido aspártico ou glutámico. Segrégao a mucosa gástrica dos mamíferos en forma dun precursor inactivo (pepsinóxeno), que se converte en pepsina mediante a súa propia acción catalítica en presenza do ácido clorhídrico que contén a mucosa gástrica.

Precursor inactivo do enzima pepsina, segregado pola mucosa gástrica. Activado polo ácido clorhídrico das células parietais das glándulas gástricas (chamadas oxínticas), dá lugar á pepsina.