"Tormes" (Contén)

Mostrando 4 resultados de 4.

  • Alba de Tormes
    Escoitar

    MUNICIPIOS

    Municipio da provincia de Salamanca, Castela e León, drenado polo río Tormes (4.647 h [1996]). Destacan o Convento das Carmelitas, onde se conservan os restos de santa Teresa de Jesús, as igrexas de San Juan (s XII), e as románico-mudéxar de Santiago e San Miguel, e o Torreón da Armería (s XVI) nas ruínas do alcázar.

    VER O DETALLE DO TERMO
  • Lazarillo de Tormes
    Escoitar

    Novela anónima en castelán titulada orixinalmente Vida del Lazarillo de Tormes y de sus fortunas y adversidades, escrita entre 1526 e 1535, e editada ao redor de 1554. Atribuíuselle a diversos autores, como Diego Hurtado de Mendoza, Lope de Rueda ou Sebastián de Horozco, aínda que, segundo os últimos estudios, podería corresponder a Alfonso de Valdés. Considerada o arquetipo da novela picaresca, está dividida en sete capítulos e redactada en primeira persoa cunha linguaxe sinxela. O seu protagonista, un neno de baixa clase social, descúbrelle ao lector, a través da súa relación con diversos amos, un mundo cheo de mesquindade e cobiza, onde domina a aparencia, a corrupción do clero e a fame.

    VER O DETALLE DO TERMO
  • Santa Marta de Tormes
    Escoitar

    MUNICIPIOS

    Municipio da provincia de Salamanca, Castela e León, situado ao SL da cidade de Salamanca e delimitado polo río Tormes (12.090 h [2001]). A base da súa economía é a agricultura.

    VER O DETALLE DO TERMO
  • Tormes
    Escoitar

    RIOS

    Río da Península Ibérica de 284 km de lonxitude que é o principal afluente, pola esquerda, do Duero. Nace na serra de Gredos ao pé da cume de Plaza del Moro Almanzor e corre en dirección S-O, onde describe unha ampla curva. Pasa por Salamanca e desemboca no Duero, na fronteira con Portugal. No curso alto sitúase o encoro de Santa Teresa e no baixo o de Villarino.

    VER O DETALLE DO TERMO